“शरीर ओरडत नाही… ते हळूच बिल पाठवतं!”

भाग ३ – नेचरोपॅथी (निसर्गोपचार)

मंडळी, आपलं शरीर फार गोड असतं.
ते कधीच रागावत नाही.
आपण उशिरा झोपू, जंक फूड खाऊ, ताण घेऊ, पाणी विसरू
ते शांतपणे एकच वाक्य म्हणतं—
“चालेल… पण एक दिवस मी तुला बिल देईन!”
आणि ते बिल?
SMS नाही…
थेट दुखणं, थकवा, अ‍ॅसिडिटी, ताण!
मग आपण म्हणतो
“का रे बाबा, असं काय होतंय?”
शरीर म्हणतं
“माहिती आहे… तू माझ्याशी तीन दिवस बोललाच नाहीस!”
नेचरोपॅथी शरीराला एक संधी देते
“अरे, पुन्हा मैत्री करूया!”
निसर्गोपचार काय सांगतो
थोडं चालून जा
थोडं हसा
थोडं झोपा
थोडं कमी खा
आणि थोडं जास्त जगून बघा
पण आपल्या आयुष्यात “थोडं” नावाचं बटणच नाही!
किंवा खूपच… किंवा अजिबातच नाही!
पाणी पिण्याचं ठरवतो…
आणि २४ तासांनी आठवतं!
पाणी बघून म्हणतो
“ओळख आहे, पण सध्या व्यस्त आहे!”
मग शरीर म्हणतं
“ठीक आहे… मग मी तुझं डोकं दुखवतो!”
नेचरोपॅथी विचारायला सांगते
“मी नैसर्गिक आहे का सिंथेटिक?”
आज
आवाज अलार्मचा
ताजेपणा फिल्टरचा
हसू इमोजीचं
शांतता सायलेंट मोडची
आणि मन? थकलेलं!
निसर्गोपचार म्हणजे“

जरा थांब… स्वतःकडे वळ.”

आजच एक प्रयोग करा
५ मिनिटं गवतावर उभं राहा.
काही बोलू नका.
फक्त पायाखालचा स्पर्श ऐका.
अंतर्मन म्हणेल “धन्यवाद… खूप दिवसांनी भेटलास!”.

…..

– मिलिंद अनंत पाटील, सारळ, अलिबाग
“मानसशास्त्रीय निसर्ग समुपदेशक”
📞 9404791798
….