“कोर्टवरील विजयानंतर समाजातही गोल्ड : ज्वाला गुट्टाचे 30 लिटर स्तनदूध दान”

ज्वाला दररोज सुमारे 600 मिलीलीटर स्तनदूध सरकारी रुग्णालयांमध्ये दान करत असून, गेल्या काही महिन्यांत तिने जवळपास 30 लिटर दूध नवजात बालकांसाठी दिलं आहे. विशेष म्हणजे, ज्यांना स्वतःच्या आईचं दूध मिळू शकत नाही अशा बाळांसाठी तिचं हे योगदान अमूल्य ठरत आहे.

तिच्या म्हणण्यानुसार, आपल्या मुलीला दूध पाजल्यानंतर उरलेले दूध ती दान करण्याचा निर्णय घेते. भारतात एखाद्या खेळाडूने अशा प्रकारचा उपक्रम सुरू केल्याची ही पहिलीच वेळ असल्याचे सांगितले जाते. वैद्यकीय तज्ज्ञांच्या मते, आईचं दूध हे बाळासाठी अमृतासमान असून त्यातून रोगप्रतिकारशक्ती वाढते आणि एलर्जी, अस्थमा, लठ्ठपणाचा धोका कमी होतो.

खेळातील कारकीर्द

ज्वाला गुट्टाने आपल्या बॅडमिंटन कारकिर्दीत भारतासाठी अनेक पदके जिंकली आहेत.

2010 आणि 2014 च्या कॉमनवेल्थ गेम्समध्ये सुवर्णपदक

महिला दुहेरीत भारताची जागतिक स्तरावर ओळख निर्माण केली

अश्विनी पोनप्पासोबत अनेक आंतरराष्ट्रीय सामने जिंकून टॉप-10 मध्ये स्थान मिळवलं

2011 च्या BWF विश्व चॅम्पियनशिपमध्ये कांस्यपदक

2014 च्या थॉमस व उबेर कपमध्ये कांस्य पदक

खेळातून देशाला अभिमान वाटेल असे यश मिळवल्यानंतर आता ज्वालाने समाजासाठीही योगदान देण्याचा निर्धार दाखवला आहे. तिचं हे पाऊल नक्कीच इतरांसाठी प्रेरणादायी ठरत आहे.