“निसर्गोपचार म्हणजे जंगलात जाणं नव्हे… तर स्वतःकडे परत येणं!”

दैनंदिन धावपळ, मोबाईलचा अतिरेक आणि सततच्या मानसिक ताणामुळे माणूस आज शरीरापासून आणि मनापासून दूर जात आहे. या पार्श्वभूमीवर सारळा, अलिबाग येथील मानसशास्त्रीय निसर्गसमूपदेशक मिलिंद अनंत पाटील यांनी निसर्गोपचार या संकल्पनेकडे केवळ उपचार म्हणून नव्हे, तर जीवनशैली म्हणून पाहण्याचा आग्रह धरला आहे. त्यांच्या अनुभवातून आणि निरीक्षणातून साकारलेली ही लेखमालिका विनोद, वास्तव आणि आत्मपरीक्षण यांचा सुंदर संगम आहे. नेचरोपॅथी म्हणजे जंगलात जाऊन राहणं नाही, तर आधुनिक जीवन जगत असतानाही निसर्गाशी नातं पुन्हा जोडण्याची साधी, पण परिणामकारक वाट या लेखांमधून उलगडली आहे.