रायगड मुस्लिम उत्कर्ष समिती अध्यक्षपदी निवड; इम्तियाज पालकरांचा गौरव; “माणुसकीसमोर भेदभाव नतमस्तक! अलिबागमध्ये घडला प्रेरणादायी क्षण”

अलिबागच्या मातीत आज एक असा क्षण उमलला, ज्याने केवळ सत्काराचा सोहळा न राहता मानवी नात्यांच्या उबदार धाग्यांना नव्याने गुंफून टाकले. अलिबागचे विद्यमान नगरसेवक तथा माजी नगराध्यक्ष प्रशांत नाईक आणि नगरसेवक अनिल चोपडा यांनी “रायगड जिल्हा मुस्लिम उत्कर्ष समिती”चे बिनविरोध निवडून आलेले अध्यक्ष हाजी इम्तियाज अहमद अब्दुल सत्तार पालकर यांची त्यांच्या निवासस्थानी जाऊन पुष्पगुच्छ देत सन्मान केला पण हा केवळ फुलांचा नव्हे, तर भावनांचा वर्षाव होता.

त्या क्षणी वातावरणात शब्द कमी पडत होते, पण डोळ्यांतून व्यक्त होणारा आदर आणि हृदयातील आपुलकी सर्व काही सांगून जात होती. हा सत्कार म्हणजे एका व्यक्तीच्या कार्याचा गौरव नसून, मानवतेच्या मूल्यांना केलेला नतमस्तक अभिवादन होत.

हाजी इम्तियाज पालकर… हे नाव केवळ व्यक्ती नाही, तर एक विचार आहे एक शांत, संयमी आणि प्रेमळ प्रवाह, जो समाजातील प्रत्येक कोपऱ्यात आपलेपणाची ओल पसरवत राहतो. त्यांच्या स्वभावातील साधेपणा हा जणू सुवर्णासारखा तेजस्वी, तर मनातील माणुसकी ही आकाशाएवढी विशाल आहे.

हिंदू-मुस्लिम ऐक्याची ज्योत आपल्या कृतीतून ते सतत प्रज्वलित ठेवतात. ते जिथे उभे राहतात, तिथे भेदभावाच्या भिंती आपोआप कोसळतात आणि “आपण सारे एकच आहोत” हा संदेश निःशब्दपणे घुमत राहतो. गरजूंना मदतीचा हात देताना ते कधीच मागे वळून पाहत नाहीत. कारण त्यांच्यासाठी सेवा हीच खरी पूजा आहे.

आज झालेला त्यांचा सत्कार म्हणजे एका सेवाभावी प्रवासाला दिलेली प्रेमाची दाद होती. अशा व्यक्तिमत्वांमुळेच समाजात विश्वासाची वीण घट्ट राहते, आणि एकतेची फुले सतत उमलत राहतात. अलिबागच्या या क्षणाने पुन्हा एकदा सांगितले की, “माणुसकी जिथे जिवंत असते, तिथेच खरी समाजाची उंची मोजली जाते.”