“जेवताना ताटाकडे बघा… मोबाईलकडे नाही!”

मुख्य संपादक आविष्कार देसाईDecember 20, 2025

78 1 minute read

भाग २ – नेचरोपॅथी (निसर्गोपचार)

आजच्या काळात माणूस अन्न खाताना ताटाकडे नाही, तर मोबाईलच्या स्क्रीनकडे पाहतो. पोट भरतंय की नाही, यापेक्षा रील संपली का याची जास्त काळजी घेतली जाते. वजन वाढलं की दोष अन्नाचा, गॅस झाला की दोष पोटाचा, आणि ताण वाढला की म्हणतो “लाइफस्टाइल अशीच आहे.” पण सारळा, अलिबाग येथील मानसशास्त्रीय निसर्गसमूपदेशक मिलिंद अनंत पाटील यांच्या मते समस्या अन्नात नाही, तर आपण अन्न कसं आणि कुठल्या मनःस्थितीत खातो यात आहे. नेचरोपॅथी वजन कमी करण्याचा चमत्कार करत नाही, ती फक्त आपल्याला जेवताना ‘सजग’ व्हायला शिकवते—आणि हाच खरा बदलाचा पहिला टप्पा आहे.

मंडळी, नेचरोपॅथीबद्दल बोललं की लोक लगेच विचारतात—

“हे सगळं केलं तर वजन कमी होतं का?”

अहो, वजन कमी करण्यासाठी नेचरोपॅथी काय करते माहीत आहे?

ती फक्त एवढंच सांगते—

“अन्न खाताय? मोबाईल बाजूला ठेवा!”

बस्स!

हे ऐकल्यावर अर्ध्यांचं वजन भीतीनंच कमी होतं!

आपल्याकडे एक नियम आहे—

“जेवण म्हणजे सण… आणि सणात लक्ष मोबाईलकडे नसतं, ताटाकडे असतं!”

पण आपण काय करतो?

पोळी हातात, लक्ष रीलमध्ये!

भाजी तोंडात, पण मन दुसऱ्याच्या स्टेटसमध्ये!