कौशल्याच्या बळावर महिलांनी आर्थिकदृष्ट्या सक्षम व्हावे : डॉ. साक्षी पाटील

या प्रशिक्षणासाठी मन्नत मल्टिपर्पज असोसिएशन, पेण या संस्थेची निवड करण्यात आली आहे. संस्थेच्या अध्यक्षा मुस्कान रफिक झटाम यांच्या मार्गदर्शनाखाली प्रशिक्षक सायली शिंदे व वैष्णवी गावंड या प्रत्यक्ष प्रात्यक्षिकांसह प्रशिक्षण देणार आहेत. संस्थेच्या मॅनेजिंग डायरेक्टर रोहिणी मुंढे यांचीही कार्यक्रमास उपस्थिती होती. मुस्कान झटाम यांनी प्रशिक्षणार्थींना शुभेच्छा देत सातत्य आणि गुणवत्तेच्या बळावर महिलांनी यशस्वी उद्योजिका बनावे, असे सांगितले.

कार्यक्रमास नगरसेविका संध्या पालवणकर, योजना पाटील, महिला व बालकल्याण विभाग प्रमुख श्रद्धा नवले, कर व प्रशासकीय अधिकारी प्रियांका वाघ, महिला कर्मचारी वर्ग तसेच प्रशिक्षणार्थी महिला मोठ्या संख्येने उपस्थित होत्या.

नगराध्यक्षा अक्षया नाईक, उपनगराध्यक्षा ॲड. मानसी म्हात्रे आणि मुख्याधिकारी सागर साळुंखे यांच्या पुढाकारातून राबविण्यात आलेला हा उपक्रम महिलांना व्यावसायिक कौशल्य प्राप्त करून आर्थिकदृष्ट्या सक्षम बनविण्यासाठी आणि अलिबागमध्ये स्वयंरोजगाराला चालना देण्यासाठी महत्त्वपूर्ण पाऊल मानला जात आहे.

……