“सरकारने केली ‘लाडकी’ फसवणूक! तरुणांच्या भविष्याशी खेळ… शेकापचा उघड इशारा: आता रस्त्यावर उत्तर मिळेल!”

1 ऑगस्ट रोजी सांगलीत झालेलं आंदोलन हा या नाराजीचा उद्रेक होता. तुकाराम बाबा महाराज यांच्या आमरण उपोषणात सहभागी होण्यासाठी राज्याच्या कानाकोपऱ्यातून आलेले युवक हताश, पण लढण्याच्या निर्धाराने पेटलेले होते.

“मी त्या आंदोलनात सहभागी झालो. युवकांच्या डोळ्यांतील आसवांत, आवाजातली तगमग आणि मनातली पेट – सगळं स्पष्ट जाणवत होतं. हे सामान्य आंदोलन नाही, हा असंतोषाचा स्फोट आहे. सरकारने जर वेळीच तो गांभीर्याने घेतला नाही, तर हा आगीचा वणवा होईल – ज्यात खोटी आश्वासने आणि ढोंगी योजना जळून खाक होतील!, असे विक्रांत वाडे यांनी घणाघात केला.

शेकाप आता केवळ निवेदनं देणार नाही, तर लढणार आहे – रस्त्यावर, सभागृहात आणि विधानमंडळात! वार्डे पुढे म्हणाले, “हे सरकार बेरोजगार तरुणांच्या भविष्यासोबत खेळत आहे. आम्ही गप्प बसणार नाही. ही लढाई सुरू झाली आहे, आणि ती आता थांबणार नाही.”