अलिबाग : महाराष्ट्र राज्य मराठी पत्रकार संघाच्या अलिबाग तालुका कार्यकारिणीची सभा नुकतीच अलिबाग येथे पार पडली. या सभेत तालुका अध्यक्ष म्हणून ज्येष्ठ पत्रकार आणि दैनिक प्रहारचे जिल्हा प्रतिनिधी सुभाष म्हात्रे यांची निवड बिनविरोध करण्यात आली. उपाध्यक्षपदी सुयोग आंग्रे यांचीही एकमताने निवड झाली.
या वेळी कार्यकारिणीत पुढील पदाधिकाऱ्यांची निवड करण्यात आली:
अध्यक्ष: सुभाष म्हात्रे
उपाध्यक्ष: सुयोग आंग्रे
सचिव: प्रमिला जोशी
खजिनदार: धनंजय कवठेकर
सल्लागार: आविष्कार देसाई
प्रसिद्धी प्रमुख: महेंद्र म्हात्रे
सदस्य: निलेश फुंडे, विजय चवरकर, अब्दुल सोगावकर, सुनील बुरुमकर
नवनिर्वाचित अध्यक्ष सुभाष म्हात्रे यांनी आपल्या मनोगतात सांगितले की, “तालुका संघाच्या नियोजनाची अंमलबजावणी, पत्रकारांसाठी कल्याणकारी योजना आणि विविध सामाजिक उपक्रमांमध्ये सहभाग यासाठी संघाने पुढाकार घेतला पाहिजे.” तसेच त्यांनी सर्व सहकाऱ्यांचे आभार मानून, सकारात्मक दृष्टिकोन ठेवून कार्यरत राहण्याचे आश्वासन दिले.
