सत्यमेव जयते न्यूज डॉट कॉम
रायगड : जिल्हा परिषद व पंचायत समिती सार्वत्रिक निवडणूक-2025 करिता अंतिम प्रभाग रचनेची अधिसूचना आज शासनाच्या असाधारण राजपत्रात प्रसिध्द झाली आहे, अशी माहिती जिल्हाधिकारी किशन जावळे यांनी दिली.
या अधिसूचनेच्या प्रती जिल्हाधिकारी कार्यालय व जिल्हा परिषद कार्यालयातील सूचना फलकावर उपलब्ध करून देण्यात आल्या असून रायगड जिल्ह्यातील सर्व तहसील व पंचायत समिती कार्यालयांच्या (पनवेल, कर्जत, खालापूर, सुधागड, पेण, उरण, अलिबाग, मुरुड, रोहा, तळा, माणगाव, म्हसळा, श्रीवर्धन, महाड, पोलादपूर) फलकांवर देखील नागरिकांसाठी पाहण्यासाठी लावण्यात आल्या आहेत.
