“रायगडमधील आदिवासी-कोळी समाजाचा धनगर-बंजारा आरक्षणाला ठोम विरोध”

सत्यमेव जयते न्यूज डॉट कॉम

अलिबाग : “कोणताही समाज आमच्यावर अन्याय करू शकत नाही. आमच्या आदिवासी-कोळी समाजाच्या हक्कात कुणी डोके लावले, तर ते आम्ही सहन करणार नाही. आमच्या समाजाच्या वाट्याचे आरक्षण कुणालाही द्यायला आम्ही तयार नाही, आणि जेही प्रयत्न करतील, त्यांना आमच्याकडून कठोर उत्तर मिळेल,” असा दिलीप भोईर यांनी असा इशारा दिला.

धनगर आणि बंजारा समाजाने अनुसूचित जमातींमध्ये आरक्षणाची मागणी सुरू केली आहे, पण यावर आदिवासी समाजाने ठाम विरोध केला आहे. याच पार्श्वभूमीवर सोमवारी रायगड जिल्हाधिकारी कार्यालयाजवळ आदिवासी आणि कोळी समाजाचे मोठे आंदोलन पाहायला मिळाले. हजारो समाजबंधू मोर्चात सहभागी झाले.

चेंढरे बायपासवर सकाळी साडे अकरा वाजता मोर्चाला सुरुवात झाली. आंबेडकर चौक, महावीर चौक, बालाजी नाका आणि मारुती नाका मार्गे हा मोर्चा जिल्हाधिकारी कार्यालयापर्यंत पोहोचला. कोषागार कार्यालयाजवळ पोलीसांनी मोर्चा थांबवला, त्यानंतर मोर्चाचे स्वरूप छोटेखानी सभेत रूपांतरित झाले.

सभेत रायगड जिल्ह्यातील विविध आदिवासी आणि कोळी संघटनांचे पदाधिकारी व सामाजिक कार्यकर्ते उपस्थित होते. त्यांनी लोकांना संबोधित करून आपल्या समाजाच्या अधिकारांचा बचाव करण्याची गरज पटवून दिली. यानंतर जिल्हा परिषदेचे माजी सभापती दिलीप भोईर यांच्या नेतृत्वाखाली शिष्टमंडळाने जिल्हाधिकारी यांना निवेदन सादर केले, जे निवासी उपजिल्हाधिकारी संदेश शिर्के यांनी स्वीकारले.

“कोणताही समाज आमच्यावर अन्याय करू शकत नाही. आमच्या आदिवासी-कोळी समाजाच्या हक्कात कुणी डोके लावले, तर ते आम्ही सहन करणार नाही. आमच्या समाजाच्या वाट्याचे आरक्षण कुणालाही द्यायला आम्ही तयार नाही, आणि जेही प्रयत्न करतील, त्यांना आमच्याकडून कठोर उत्तर मिळेल,” असे दिलीप भोईर यांनी असा इशारा दिला.

मोर्च्यात रायगड जिल्हा कातकरी समाजाचे अध्यक्ष भगवान नाईक, आदिवासी-कोळी विभागीय अध्यक्ष जलदीप तांडेल, मुकेश नाईक, धर्मा लोगे, कृष्णा पिंगळा, मोरेश्वर हाडके, गजानन पाटील, रविंद्र वाघमारे, भरत पाटील, दत्ता नाईक, सुरेश नाईक आणि पांडूरंग वाघमारे उपस्थित होते. सर्वांनी आपले ठाम मत मांडून सांगितले की, त्यांच्या समाजाला मिळालेले आरक्षण कोणालाही वाटेकरी केले जाणार नाही.