उलवेत दणाणली कबड्डीची रणधुमाळी; रायगड अजिंक्यपदावर ओमकार वेश्वी व कर्नाळा अकॅडमीची मोहोर! 

आमदार प्रशांत ठाकूर यांच्या अध्यक्षतेखालील स्पर्धा संयोजन समिती व महाराष्ट्र राज्य कबड्डी असोसिएशनचे माजी जनरल सेक्रेटरी अॅड. आस्वाद पाटील यांच्या नेतृत्वाखाली स्पर्धेचे उत्कृष्ट नियोजन करण्यात आले. पंचांची निष्पक्ष कामगिरी, खेळाडूंचा उत्कृष्ठ खेळ व प्रेक्षकांचा उत्स्फूर्त प्रतिसाद यामुळे संपूर्ण स्पर्धा शिस्तबद्ध व जल्लोषमय वातावरणात पार पडली. पारितोषिक वितरण सोहळा लोकनेते रामशेठ ठाकूर यांच्या प्रमुख उपस्थितीत झाला असून विविध मान्यवरांची उपस्थिती लाभली. या निमित्ताने लोकनेते रामशेठ ठाकूर यांचा विशेष सत्कार व अभीष्टचिंतन करण्यात आले. समाजकार्यातील त्यांच्या पाच दशकांच्या कार्याचा गौरव करत उपस्थितांनी त्यांना सलाम केला. तसेच कबड्डी या मातीतल्या खेळाशी अतूट नाते असलेल्या माजी उपमुख्यमंत्री अजित पवार यांचे स्मरण करून त्यांना भावपूर्ण श्रद्धांजली अर्पण करण्यात आली व कबड्डीचा वारसा पुढे नेण्याचा संकल्प करण्यात आला.