“लहानग्यांच्या ताटात पोषणाचा स्वाद” – अलिबागमध्ये पाककृती प्रदर्शनाला उत्स्फूर्त प्रतिसाद

सत्यमेव जयते न्यूज डॉट कॉम

अलिबाग : बाल एकात्मिक बालविकास सेवा योजना प्रकल्प रायगड नागरी यांच्या वतीने पोषण महाअंतर्गत आठव्या पोषण आहार पाककृतींचे भव्य प्रदर्शन अलिबाग येथील शास्त्रीनगर विभागातील सार्वजनिक नवरात्र उत्सव मंडपात आज (26 सप्टेंबर) उत्साहात पार पडले.

या उपक्रमात अलिबाग नगरपालिका हद्दीतील सर्व अंगणवाडी सेविका व मदतनीस यांनी पौष्टिक आहाराशी संबंधित विविध पाककृतींचे प्रदर्शन मांडले होते. या निमित्ताने लहान मुलांनी कोणते पदार्थ खावे, कोणते टाळावेत याबाबत पालकांना मार्गदर्शन करण्यात आले.

कार्यक्रमाचे उद्घाटन नगरसेविका शैला भगत यांच्या हस्ते झाले. यावेळी अलिबाग बीटच्या मुख्य सेविका सौ. सोनाली धुमाळ विशेष उपस्थित होत्या. विभागातील पालक वर्गाने उत्स्फूर्त प्रतिसाद देत कार्यक्रमात सक्रिय सहभाग नोंदवला.

सदर कार्यक्रमात पालक व लहानग्यांनी थेट प्रश्न विचारून आपल्या शंकांचे निरसन करून घेतले. यामुळे योजनेंतर्गत पोषण आहाराचे उद्दिष्ट थेट लोकांपर्यंत पोहोचविण्यात मोठे यश मिळाले आहे.