नागावमध्ये बिबट्याचा कहर : वस्तीजवळ अचानक दर्शन, पाच जणांवर हल्ला

घटनेची माहिती मिळताच वनविभागाचे अधिकारी आणि पोलिस पथक घटनास्थळी दाखल झाले. परिसरातील एका वाडीत बिबट्या लपून असल्याचे समोर आल्यानंतर वनविभागाकडून त्याला सुरक्षितपणे पकडण्याची मोहीम सुरू करण्यात आली आहे.

बिबट्याला दुपारी रेस्क्यू करताना रेस्क्यू टीम मधील तिघेजण जखमी झाले आहेत. त्यामध्ये एका वन विभागातील अधिकाऱ्याचा समावेश आहे.

नागरीकांनी घराबाहेर अनावश्यक हालचाल टाळावी, सुरक्षित ठिकाणी राहावे, असे आवाहन प्रशासनाकडून करण्यात आले आहे. ग्रामस्थांमध्ये भीतीचे वातावरण असले तरी परिस्थिती नियंत्रणात ठेवण्यासाठी प्रशासन पूर्णपणे सतर्क आहे. नागावच्या सरपंच हर्षदा मयेकर यांनी नागरिकांना अफवा न पसरवता वनविभागाला सहकार्य करण्याचे तसेच अनावश्यक गर्दी न करण्याचे आवाहन केले आहे. बिबट्याच्या उपस्थितीमुळे परिसरात तणाव असला, तरी वनविभाग आणि पोलिसांचे पथक संयुक्तरीत्या मोहिम राबवत असल्याने परिस्थिती लवकरच सामान्य होईल, अशी अपेक्षा व्यक्त केली जात आहे.

…..