“रायगड पोलिसांची डिजिटल झेप — ‘न्याय सारथी’ आणि ‘प्रमाणित ओळखपत्र’ सेवांचा शुभारंभ”

अलिबाग : रायगड पोलिस विभागाच्या सेवांचा डिजिटल कायापालट करणारे ‘न्याय सारथी’ पोर्टल आणि ‘प्रमाणित ओळखपत्र’ (Verification Certificate) हे दोन महत्त्वाचे उपक्रम आज सुरु झाले. महाराष्ट्र राज्याच्या महिला व बालविकास, पर्यटन व सांस्कृतिक कार्य मंत्री आदिती तटकरे यांच्या हस्ते अलिबाग येथे या उपक्रमांचे उद्‌घाटन झाले.

कार्यक्रमास रायगडचे पोलीस अधीक्षक आचल दलाल, वरिष्ठ अधिकारी व मान्यवर उपस्थित होते.

मंत्री आदिती तटकरे म्हणाल्या – “या उपक्रमांमुळे पोलिस आणि नागरिक यांच्यातील संवाद अधिक सुलभ होईल. आवश्यक सेवा घरबसल्या मिळाल्यामुळे नागरिकांचा वेळ, पैसा आणि श्रम वाचतील.”

पोलिस पडताळणी प्रमाणपत्र व इतर प्रमाणपत्रांसाठी सुलभ ऑनलाइन प्रक्रिया

जिल्ह्यातील सर्व पोलिस ठाण्यांची माहिती व संपर्क तपशील

नागरिकांसाठी पारदर्शक व जलद सेवा

 ‘प्रमाणित ओळखपत्र’ सेवा

नोकरी, पासपोर्ट, भाडेकरार आदींसाठी आवश्यक पडताळणी प्रमाणपत्र आता पूर्णपणे ऑनलाइन

अर्ज सादर करण्यापासून ते प्रमाणपत्र डाउनलोडपर्यंतची प्रक्रिया डिजिटल

थेट पोलिस ठाण्यात जाण्याची गरज नाही, कागदपत्रांची पारदर्शक पडताळणी

वेळेची व श्रमांची बचत

प्रक्रियेत पारदर्शकता व वेग

अर्ज व प्रमाणपत्राची स्थिती ऑनलाइन पाहण्याची सुविधा

 “नागरिकांनी ‘न्याय सारथी’ पोर्टल आणि ‘प्रमाणित ओळखपत्र’ सेवांचा अधिकाधिक वापर करून डिजिटल सेवांचा लाभ घ्यावा.”